ليه بو برنام هو فناني المفضل

2024-07-12 · film-tv

ليه بو برنام / bo burnham هو فناني المفضل في الوقت الحالي؟

نقطتين:
1.

كتير في حياتي مريت بالشعور بتاع وأنا بتفرج على فيديو يوتيوب أو ريل على انستجرام لانفلونسر معين وهما بيعملوا حاجة معينة ,اقول لنفسي ضربت معاهم بالصدفة أنا لو معايا حظ زيهم كان ممكن أعمل نفس الشهرة أو الفلوس بسهولة. المشكلة هنا أن الفن مش سهل، مش شغلانة روتينية، مفيش حاجة تتعلمها عشان تعرف تلحن أو تكتب أو تعمل فيديو، دي بروسيس طويلة من التأليف واعادة التفكير ومخططات وحوار بس هنا بنتكلم عن الفن الحقيقي (اللي تعريفه ممكن يختلف من شخص للتاني بالمناسبة، اللي شايفه فن حقيقي ممكن بالنسبالك يبقى عبث) ولكن الفكرة الأساسية هي أنه، زي أي حاجة، مش سهل ويستحق يتاخد عليه فلوس كتير.

رفاهية صناعة المحتوى، خلينا متفقين أنك مش هتبقى عليك مسئوليات واقساط وتقرر تبدأ بودكاست أو تتعلم جيتار؟ فن صناعة المحتوى للآخرين (مش فن الشوارع مثلا) معمول عشان عايز أجيب فلوس وأتشهر، في الغالب سبب مادي محمول برغبة فنية قد تكون حقيقية أو أنا مجرد انفلونسر مبقدمش أي حاجة مفيدة للمجتمع. في الحالتين أنا مصنع انتاجي لمستقبل استهلاكي على الناحية التانية من الشاشة.

أغلب "فنانين" تيكتوك ويوتيوبرز الكورة وماركتيرز الشركات وغيرهم هما فنانين التريند والفلوس. وده قشطة بس المهم أن الانسان يبقى عارف أن ده آخره وميروجش نفسه كقدوة عشان هو قدام الشاشة وناس كتير بتشوفه.

بو برنام عارف ده وهو عارف أنه بيعمل أغاني وخلاص. بس الشاب بجد مشروع رجل سياسة لقى نفسه مغني ساخر، شخص كان نفسه يعمل تغيير حقيقي بس عنده حب للفن فقرر يعمل بيه حاجة. لكن فجأة لقى نفسه بيبقض ملايين عشان بيقول أفكاره. صدمة نتيجة الفن.

(ايه؟ أنا بعمل ايه بكل الفلوس دي؟

أنا عايز فلوس؟ ثانية، العالم مكان بيموت، مش من المفترض أكون أخد كل الفلوس دي على محتوايا، بس أنا بتعب، ماشي بس مش بتعب للدرجة

طب أعمل ايه؟)

The luxury of being horrified، هو ده بو برنام.
محتاج تبقى شخص privileged عشان تقدر تمر برفاهية الرعب الجاية أنك شخص قادر على تحمل نفقاتك اليومية.

أغاني بو فيها نوع من الاحساس بالذنب على الوضع الحالي للفن، تجهيز بلايين الدولارات عشان تحط اسامي الفنانيين في الاضواء بينما فيه ناس بتموت من الجوع، بو مش بيبطل يتكلم عن ده في اغانيه. التغليف الكوميدي للواقع. معظم الوقت هتحس بالذنب وأنت بتسمع بو برنام وده الهدف! بو بيوصل رسايل من خلال موسيقاه، استهلاكيتك للمحتوى اللي هو بيقدمه هتفضل حاجة بيفكرك بيها وباستهلاكياتك عموما في المجتمع.

بو قال في Art is dead ان الاغنية دي مش بتضحك بس بتخليه يعرف ينام بليل. المثير للسخرية أن الأغنية مش بتخليني أنا أنام بليل، يبقى فيك حاجة غلط لو سمعتها ونمت، سواء كفنان أو كمستهلك للفن.

حطيت هنا Art is dead for reference.