احنا عايشين في سلام وهمي

2023-10-10 · essays

احنا عايشين في سلام وهمي. بقالنا سنين بيتم تغذيتنا بشعارات عن الحب والسلام؟ كان فين الكلام ده أيام كل حركات الاستعمار اللي اتعملت؟ ودلوقتي مع أي محاولة لأي شعب أنه يرفض النظام الحالي دول الاتحاد الأوروبي وامريكا بيهاجموه باتهامات الإرهاب والعنف. فعلا؟ والله؟

احنا، الشرق الأوسط وآسيا وأفريقيا تم نهبنا وخدوا مننا كل حاجة لحد ما بقينا احنا دول "العالم التالت" وأي حد دلوقتي يحاول يطالب بحقه بيتم مهاجمته فورا تحت شعار السلام.

محدش عايش في دولة ديموقراطية، لا احنا ولا هما، إيه فايدة الديموقراطية لما يكون كل مرة الشعب كله عايز حاجة ومحدش يقدر يعملها ونقول ما احنا قيادتنا قالت واحنا مغلوب على أمرنا؟

مش بس فلسطين اللي عايشين في Open-air prison، احنا وكل الدول اللي الناس بتنام فيها مش عارفة هتاكل بكرة ولا لأ.

السلام ما هو إلا مجرد تعريف عملوه الدول المنتصرة عشان يحافظوا على الوضع الحالي ويضمنوا بقاء الـ status quo.

فلسطين مش قضية عرب أو مسلمين بس، دي قضية كل من كان أو ما زال مُستعمَر.
Diplomacy is fake. Democracy is modern myth.
We are still colonialized. We are still enslaved.