المشي بالليل

2023-04-28 · anime

بمناسبة الساعة اللي اتسرقت مننا النهاردة، المشي بالليل ده تجربة فريدة من الطراز الأول.

بالليل الواحد بيمشي بيتعرف على حاجات مختلفة كل مرة، وهو مستمتع بالموسيقى اللي بيسمعها وبعيد عن كل الناس. في المشيات الليلية الوحيدة دي، بتحس بحرية غريبة إللي السما بتديها للإنسان. الواحد بيقول في نفسه "أنا هنا" وبيشعر بالأمان إن معظم الناس نايمة ومفيش ضغط على الواحد إنه يكون نشط أو إنتاجي عشان محدش بيعمل كدة. الواحد ممكن يتمشى في الشوارع الخالية ويستمتع بالسكون.

أنيمي Kimi wa Hōkago Insomnia أو Insomniacs After School بيعيد ملحمة أنيمي Call of The Night، وبيوفرلك رحلات ليلة عاطفية هادئة، بيمنحك خلالها السكون وبيعطيك لمحة عن حياة الشخص المصاب بالآرق. كشخص بيعتبر نفسه Night Owl، الأنيمي بيمثلي رحلة خلال وعيي ووعي أشخاص مشابهة ليا. الأنيمي معمول عشان تشوفه الساعة أربعة بليل وأنت آرق.

الأنيمي بيتكلم عن بطله الآرق، ناكامي، اللي مبيعرفش ينام بليل وبيبققى نعسان طول النهار في المدرسة، وفي خلال الرحلة دي بيقابل ايساكي، اللي عندها ذات المشكلة، وده بيمثل فكرة الراحة أنك مش لوحدك، ايساكي وناكامي بيقرروا يبدأوا مغامراتهم الليلية.

ومن هنا بتبدأ مغامراتهم الخالية من الأحلام الهادئة.