النهاردة قابلت تيم مودلين

2024-04-24 · philosophy, personal

النهاردة قابلت تيم مودلين على زووم، أشهر (وغالبا أحسن) فيلسوف فيزياء حي في الوقت اللي احنا فيه. طريقة كلامه سهلة وأنت عارف هو بيقول ايه كويس (أو يمكن عشان قريت اجزاء من كتبه). سألته لو هو فاهم شعور أنك تبقى مش مصدق إزاي إنسان عنده القدرة أنه يفكر في كونسبتس زي النسبية العامة او الـ different space-time structures ويلعب بالمفاهيم دي ويستنتج من خلالها مفاهيم جديدة، أنا شخصيا مش متأكد إني أقدر.

من ساعة ما بدأت فلسفة، وطريقة تفكيري/تحليلي للأمور بتتغير بشكل نظامي كل كام شهر، كل الفلسفة مرهقة وجذابة. الدراسة الأكاديمية مختلفة تماما عن فيديوهات اليوتيوب، عاملة بالظبط زي فيديو للدحيح عن الترانزيستور وبين أول كورس circuits في هندسة، فرق السما والأرض. مفيش حد بيتفلسف وخلاص، فيه طرق وميثودولوجيات لطرق التفكير.

مودلين قال لما سألته عن شعوره تجاه الأفكار العلمية الفلسفية الـ counter intuitive هي أن مفيش زرار سحري بنضغط عليه يخلينا نكتشف الخبايا الميتافيزيقية أو العلمية، هدف الفلسفة ما هو إلا أنه يخلينا ناخد بالنا أن كان عنده افتراض خفي لنظرياتنا أو مفاهمينا، ومحاولة استكشاف افتراض آخر أو عدم وجود افتراض من الأساس! تطوير قدرات الفيلسوف المنطقية، الحدس، قدرة الملاحظة والتخمين، كلها من مكونات الفيلسوف الشاطر.

إلى اللحظة القادمة where I can meet maudlin again, hopefully in person, and hopefully where I have more answers and intuitions myself.